Rachel

Uwch-reolwr Cyflawni Ystwyth.

Nes i Rachel ddechrau recriwtio ar gyfer rolau Digidol, Data a Thechnoleg, nid oedd wedi sylweddoli bod ganddi ddiddordeb yn y maes ei hun. Nawr, mae’n Uwch-reolwr Cyflawni Ystwyth yn y Swyddfa Ystadegau Gwladol (SYG).

Rwyf wedi bod yn gweithio yn SYG am bedair blynedd, gan ddechrau yn yr adran Adnoddau Dynol. Pan ddechreuais recriwtio ar gyfer rolau Digidol, Data a Thechnoleg, sylweddolais fod diddordeb gennyf mewn gyrfa ym maes technoleg fy hun.

Argymhellodd fy rheolwr fy mod yn dod o hyd i reolwr cyflawni i’m mentora yn yr adran Gwasanaethau Digidol a Thechnoleg ac, o fewn ychydig fisoedd, gwnes gais llwyddiannus am swydd Rheolwr Cyflawni. Nawr, rwy’n Uwch-reolwr Cyflawni Ystwyth mewn tîm sy’n arbenigo ym meddalwedd ‘Power Platform’ Microsoft.

Un o’n prosiectau ar hyn o bryd yw codi data er mwyn lleihau baich gweinyddol, gyda chynlluniau i’w roi ar waith yn SYG a chyrff eraill yn y llywodraeth. Mae SYG yn cynnig cyfleoedd gwych i ddatblygu’ch gyrfa, ac mae’r oriau hyblyg yn golygu y gallaf fynd â fy mab ar benwythnosau hir i ymweld â gwledydd gwahanol. Mae’r dechnoleg rydym yn ei defnyddio yn fwy blaengar nag yr oeddwn yn ei ddisgwyl hefyd. Mae’r amgylchedd gwaith mor gefnogol a dynamig.

Cefais gyfnod anodd pan oedd fy mab yn ddifrifol wael ar ôl i’w bendics fyrstio. Roedd yn yr ysbyty am bythefnos, a hynny yn ystod cyfnod clo’r coronafeirws (COVID-19). Ond rhoddodd SYG yr amser a’r hyblygrwydd i mi gefnogi fy nheulu. Yn wahanol i sefydliadau eraill ble rwyf wedi gweithio, lle byddent wedi disgwyl i mi gyflawni o hyd.

Mae fy mab wedi gwella’n llwyr ac rwyf mor ddiolchgar am amgylchedd cefnogol SYG.