Rolau rheoli prosiectau a rhaglenni
Yn y Swyddfa Ystadegau Gwladol, mae ein timau rheoli prosiectau a rhaglenni yn cefnogi’r rhaglenni pwysig sy’n creu ein hystadegau.
Mae unigolion a sefydliadau ledled y wlad yn defnyddio ein gwaith i wneud penderfyniadau pwysig. Drwy gyflogi’r bobl orau i reoli ein prosiectau, gallwn gynnig y gwasanaeth gorau posibl i’n defnyddwyr.
Rheoli prosiectau a rhaglenni yn y SYG
O ddadansoddwyr portffolio a rheolwyr adnoddau i swyddogion cefnogi prosiectau a rheolwyr buddiannau, mae ein timau yn sicrhau bod y SYG yn cyflwyno ystadegau sydd o fudd i bawb.
Gallech fod yn cydlynu’r broses o gyflawni ein harolwg diweddaraf neu’n rheoli un o’n llu o brosiectau arloesol.
Gallwch gael rhagor o wybodaeth am Broffesiwn Cyflawni Prosiectau’r Llywodraeth ar wefan Gov.uk.
Gweld ein holl rolau rheoli prosiectau a rhaglenni
“Mae diwylliant SYG yn gynnes, yn groesawgar ac yn gyfeillgar heb os, sy’n golygu ei fod yn lle braf i weithio ynddo.”
Megan – Pennaeth Cynllunio a Rheoli Portffolio
Dysgu a datblygu ym maes rheoli prosiectau a rhaglenni
Pan fyddwch yn ymuno â’r SYG, rydym am i chi feithrin eich sgiliau ymarferol ac academaidd yn barhaus ym maes rheoli prosiectau a rhaglenni.
I’ch helpu i wneud hyn, gallwch neilltuo amser ar gyfer hyfforddiant ffurfiol a chymwysterau proffesiynol. Neu gallwch ymuno â’n Cymunedau Ymarfer a’n grwpiau diddordeb arbennig, lle mae pobl mewn rolau tebyg yn rhannu’r datblygiadau arloesol, y wybodaeth a’r cyfleoedd dysgu diweddaraf.
“Mae’r SYG wedi fy nghefnogi gyda chymwysterau cyflawni prosiectau ac mae’n rhoi pwyslais gwirioneddol ar ddatblygu ei phobl.”
Abi – Rheolwr Prosiectau
Yn hoffi’r hyn rydych chi’n ei weld?
Os ydych am i’ch cyfraniad wneud gwahaniaeth go iawn, dewch i ymuno â ni.